रेणापूरचा विकास थांबू देणार नाही -आमदार कराड

स्व. मुंडे साहेबांचा वारसदार म्हणून काम करतोय रेणापूरचा विकास थांबू देणार नाही – आ. कराड

रेणापूर येथील गाव भागातील जाहीर सभेस मतदारांचा प्रचंड प्रतिसाद

लातूर दि. २९ – लोकनेते स्वर्गीय गोपीनाथरावजी मुंडे साहेबांनी रेणापूरचे नाव देशभर केले त्यांचा वारसदार म्हणून मला काम करण्याची संधी मिळाली हे माझे भाग्य आहे. रेणापूर शहराच्या सर्वांगीण विकासासाठी आतापर्यंत कोट्यावधी रुपयांचा निधी मंजूर केला, त्या निधीतून अनेक विकासाची कामे झाली, काही कामे प्रगतीपथावर असून उर्वरित कामे येत्या काळात होणार आहेत. भाजपाच्या नेतृत्वातील केंद्र आणि राज्य शासनाच्या माध्यमातून रेणापूरचा विकास थांबू देणार नाही. विकासाची गती कायम ठेवण्यासाठी मतदार बंधू भगिनींनी भाजपाच्या पाठीशी खंबीरपणे राहून सर्वच उमेदवारांना प्रचंड बहुमताने विजयी करावे असे आवाहन भाजपाचे नेते आ. रमेशआप्पा कराड यांनी रेणापूर येथील जाहीर सभेत बोलताना केले.

रेणापूर येथील भाजपाच्या नगराध्यक्ष पदाच्या उमेदवार श्रीमती शोभा शामराव अकनगिरे आणि प्रभाग क्रमांक चार, पाच, सहा, सात, आणि आठ येथील नगरसेवक पदासाठीचे उमेदवार धम्मानंद घोडके, दत्ता सरवदे, सौ. धरती महेश गाडे, अच्युत कातळे व सौ. पल्लवी ज्ञानेश्वर शिंदे यांच्या प्रचारार्थ रेणापूर येथे गाव भागातील अमृतेश्वर मंदिर परिसरात आयोजित सभेत आ. रमेशआप्पा कराड बोलत होते.

या सभेस भाजपाचे माजी आमदार अॅड. त्र्यंबकनाना भिसे, भाजयुमोचे जिल्हाध्यक्ष ऋषिकेश कराड, विक्रमकाका शिंदे, भागवत सोट, नवनाथ भोसले, रेणापूरचे प्रथम नगराध्यक्ष अभिषेक आकनगिरे, दशरथ सरवदे, महेंद्र गोडभरले, शरद दरेकर यांच्यासह अनेक मान्यवरांची व्यासपीठावर उपस्थिती होती. या सभेला महिला मतदारांनी प्रचंड गर्दी केली होती.

जाहीर सभेत उपस्थित मतदार बंधू भगिनींशी संवाद साधताना आ. रमेशअप्पा कराड म्हणाले की, सत्तेत असताना काँग्रेसला विकास कळला नाही, जनतेनी घरी बसवले आता त्यांना विकासाची आठवण येत आहे. आजपर्यंत काँग्रेसने जातीपातीचे राजकारण करत स्वतःची राजकीय पोळी भाजली परंतु विकासासाठी निधी आणला नाही. गरिबांना गरीबच ठेवले श्रीमंतांना श्रीमंतच केले, जनतेमध्ये केवळ संभ्रम निर्माण करणाऱ्या काँग्रेसला धडा शिकवण्याची संधी या निवडणुकीच्या माध्यमातून उपलब्ध झाली आहे.

रेणापूरची विकास कामे करणे म्हणजे स्व. गोपीनाथराव मुंडे साहेबांची सेवा करणे आहे त्यामुळे रेणापूरसाठी जे मागाल ते देण्याचा शब्द मुख्यमंत्री देवेंद्र फडणवीस यांनी दिला असल्याचे सांगून आ. रमेशआप्पा कराड म्हणाले की, केंद्रात आणि राज्यात भाजपाची सत्ता असल्याने निश्चितपणे विकासाला गती मिळाल्याशिवाय राहणार नाही. मागील निवडणुकीत अभिषेक आकनगिरे यांना संधी दिली. त्यांनी प्रामाणिकपणे रेणापूरकरांची सेवा केली. त्यामुळे या निवडणुकीत अध्यक्षपदाच्या उमेदवार श्रीमती शोभाताई आकनगिरे आणि नगरसेवकपदाच्या सर्वच्या सर्व 17 उमेदवारांना मोठ्या मताधिक्याने विजयी करावे असे आवाहन आ. रमेशअप्पा कराड यांनी केले.

यावेळी बोलताना अॅड. त्र्यंबकनाना भिसे यांनी विलासराव देशमुख विकासाभिमुख नेतृत्व होते आता जनहिताची कामे काँग्रेस कडून होत नाहीत पंतप्रधान नरेंद्र मोदी आणि मुख्यमंत्री देवेंद्रजी फडणवीस यांच्या माध्यमातून देशात आणि राज्यात विविध योजना राबवून सर्वांगीण विकास होत असल्याचे सांगत रेणापूरची जनता निश्चितपणे विकासाच्या मागे उभी राहणारी आहे रेणापूरसाठी ही निवडणूक महत्त्वाची असून गावच्या विकासासाठी जनतेच्या हितासाठी सर्व मतदारांनी भाजपच्या पाठीशी उभे रहा, असे आवाहन त्यांनी मतदारांना केले.

भाजपा युवा मोर्चाचे जिल्हाध्यक्ष ऋषिकेश कराड यांनी विधानसभा निवडणुकीत रमेशआप्पांना विजयी करून मतदारांनी नवा इतिहास घडवला आणि रेणापूर शहरासह लातूर ग्रामीण मतदार संघाच्या विकासाला गती मिळाली. रेणापूरात भाजपाची विकासाची मोठी घोडदौड सुरू असताना काँग्रेस गतिरोधकाचे काम करत असल्याने मतदारांनी विकासाच्या पाठीशी राहून भाजपाच्या उमेदवारांना बहुमताने विजयी करावे असे आवाहन केले. तर अभिषेक आकनगिरे यांनी आ. रमेशअप्पा कराड यांच्या माध्यमातून मिळालेल्या निधीतून रेणापूर शहराचा चेहरा मोहरा बदलला, विकासकामे सुरूच असून भविष्यात राहिलेली विकासकामे करण्यास तत्पर असल्याचा त्यांनी शब्द दिला.

प्रारंभी उमेदवार दत्ता सरवदे, धम्मानंद घोडके, सौ. धरती महेश गाडे, अच्युत कातळे यांनी मनोगत व्यक्त करून मतदान रुपी आशीर्वाद द्यावेत आणि प्रभागाची सेवा करण्याची संधी द्यावी असे बोलून दाखविले. कार्यक्रमाचे सूत्रसंचालन चंद्रकांत कातळे यांनी केले. या सभेत महेश विजयकुमार व्यवहारे, के. आर. वाघमोडे, अंकित हाके. दत्ता बंडगर. हनुमंत सलगर यांच्यासह इतर अनेकांनी भाजपात जाहीर प्रवेश केला. या सभेस गाव भागातील नरहरी डावळे, लिंबराज गायकवाड, बालाजी ईस्ताळकर, नंदकुमार बंडे, दत्ता व्यवहारे, व्‍यंकटी कातळे, शरद चक्रे, शिवाजी सलगर, रमेश काळे, सोमनाथ आकनगिरे, बालाजी गायकवाड, पंडित गाडे, पांडुरंग हाके, हरिचंद्र गाडे, पोपट उपाडे, विनोद कांबळे, सुभाष शिंदे, महादू शिंदे, कचरू व्यवहारे यांच्यासह भाजपाचे पदाधिकारी आणि कार्यकर्त्यांसह नागरिक, मतदार तसेच महिलांची मोठ्या संख्येने उपस्थिती होती.