लातूर –
महाराष्ट्रातील ज्येष्ठ पत्रकार आणि महाराष्ट्र राज्य अधिस्वीकृती समितीचे माजी सदस्य जयप्रकाश दगडे यांना नुकताच पत्रकारिता, लेखन व सामाजिक क्षेत्रातील उल्लेखनीय कार्यासाठी सन 2022 चा ‘कर्मयोगी डाॅ. बालासाहेब ठोंबरे-पाटील स्मृती समाजसेवा पुरस्कार ‘ प्रदान करण्यात आला.
कर्मयोगी डाॅ. बालासाहेब ठोंबरे- पाटील स्मृती प्रतिष्ठानच्या वतीने आयोजित या सोहळ्यात वसंतराव नाईक मराठवाडा कृषी विद्यापीठाचे माजी कुलगुरू डाॅ अशोक ढवण यांच्या हस्ते उंदरी ( केज ) येथे हा पुरस्कार वितरणाचा कार्यक्रम संपन्न झाला. विचारमंचावर अंबाजोगाई सहकारी साखर कारखान्याचे अध्यक्ष रमेशराव आडसकर, नंदकिशोर मुंदडा, बीडच्या अपर जिल्हा पोलीस अधीक्षक कविता नेरकर- पवार, ज्येष्ठ पत्रकार प्रदीप नणंदकर, माजी शिक्षण संचालक डाॅ.मारोतराव ढोबळे, नांदेडच्या स्वामी रामानंदतीर्थ मराठवाडा विद्यापीठाचे माजी कुलगुरू डाॅ. मधुकरराव गायकवाड, मराठवाडा जनता विकास परिषदेचे उपाध्यक्ष व इतिहासतज्ञ डाॅ. सोमनाथ रोडे, प्रतिष्ठानचे डाॅ. बाबासाहेब ठोंबरे- पाटील यांची उपस्थिती होती.
या सोहळ्यात दत्तात्रय शिंदे ( कृषी ), प्रदीप नणंदकर ( कृषी पत्रकारिता ) , कविता नेरकर- पवार ( महिला सक्षमीकरण व प्रशासन ), मधुकर वडोदे ( साहित्य), प्रभाकर जावळे ( भक्त पुंडलिक ) सोमनाथ माने ( कृषी संशोधन ), रशीद पठाण ( सद्भावना ), डाॅ.भगवानराव ठोंबरे ( ग्रामभूषण ), रामेश्वर मांडगे ( कुशल कारभारी किसान ) आणि श्रीमती जतनबाई बालचंदजी सोलंकी ( कुशल कारभारी किसान ) यांनाही विविध पुरस्कारांनी सन्मानित करण्यात आले.
कार्यक्रमाच्या आदल्या दिवशी ‘काव्यसंध्या ‘ हे निमंत्रितांचे महिला कविसंमेलन संपन्न झाले.
