*प्राथमिक आरोग्य केंद्रामध्ये प्रजासत्ताक दिनाचा ; ध्वज उतरवला नसल्याने दोघांवर गुन्हा*

निलंगा-(प्रतिनिधी)- निलंगा तालुक्यातील शिरोळ वांजरवाडा येथील प्राथमिक आरोग्य केंद्रामध्ये प्रजासत्ताक दिनानिमित्त ध्वजारोहण करण्यात आले होते.परंतु वेळेवर राष्ट्रध्वज उतरवला नाही म्हणून आरोग्य अधिकारी आणि आरोग्य सेविका यांच्याविरूध्द गुन्हा दाखल करण्यात आला आहे.26 जानेवारी रोजी सायंकाळी 7 वाजता शिरोळ येथील नवाज चाॅंदपाशा तांबोळी हे शेतातून घराकडे परत जात असताना शिरोळ प्राथमिक आरोग्य केंद्रातील राष्ट्रध्वज उतरवला नसल्याचे दिसून आले.याबाबत त्यांनी मोबाईलवर संपर्क साधून राष्ट्रध्वज उतरवला नसल्याचे सांगितले.त्यांनी आशा कार्यकर्ता मुक्ताबाई बाळासाहेब जाधव यांना राष्ट्रध्वज उतरवण्यास सांगितल्याचे सांगून फोन ठेवून दिला.घटनेची माहिती गावात कळताच आरोग्य केंद्रात मोठ्या संख्येने ग्रामस्थ जमा झाले.
शिरूरअनंतपाळ पोलीसांनी माहिती दिली त्यानंतर राञी 09:30 वाजता प्राथमिक आरोग्य केंद्रातील वैद्यकीय अधिकारी प्रतिभा येळकर यांच्या हस्ते राष्ट्रध्वज सन्मानपूर्वक उतरवण्यात आला.राष्ट्रध्वज वेळेत उतरवला नाही म्हणून वैद्यकीय अधिकारी येळकर आणि आरोग्य सेविका अरूणा सुर्यकांत राठोड यांच्याविरूध्द शिरूरअनंतपाळ पोलीस ठाण्यात गुन्हा दाखल करण्यात आला आहे.