“देवाभाऊ” महाआरोग्य शिबीराच्या माध्यमातून लातूरकरांचे आरोग्य जपण्याचे काम करावे
– माजी आ.शिवाजीराव पाटील कव्हेकर
लातूर दि.13-11-2025लातूर येथील नागरिकांच्या आरोग्याच्या द‍ृष्टिने डॉ.एम.सी.मोदी यांच्यावतीने माजी मंत्री शिवराज पाटील चाकूरकर, अरून नेहरू, तत्कालीन माजी मुख्यमंत्री कै.शिवाजीराव पाटील निलंगेकर, डॉ.एम.सी.मोदी यांच्या उपस्थितीत घेण्यात आलेल्या ऐतिहासिक नेत्र तपासणी शिबीरात 14 हजार जणाच्या तपासण्या करण्यात आला तर 1100 जणावर यशस्वी नेत्र शस्त्रक्रिया करण्यात आल्या.
आताही उदगीरचे डॉ.तानाजी मोरे यांच्या पुढकारातून आपल्या वाढदिवसानिमित्त दरवर्षी नेत्रतपासणी शिबीर घेण्यात येत असून या शिबीरातून अनेक रूग्णांना द‍ृष्टी देण्याचे काम आपण केलेले आहे. त्याच धर्तीवर आताही राज्याचे मुख्यमंत्री देवेंद्र फडणवीस यांच्या संकल्पनेतून हे महाआरोग्य शिबीर घेण्यात येत आहे. अशा महाआरोग्य शिबीराचे माध्यमातून लातूरकरांचे आरोग्य जपण्याचे काम आपण करावे. असे प्रतिपादन भाजपा नेते तथा किसान मोर्चा गुजरात व गोवा राज्याचे प्रभारी माजी आ.शिवाजीराव पाटील कव्हेकर केले.
यावेळी ते भारतीय जनता पार्टीचे लातूर शहर जिल्ह्याच्या पुढाकारातून व आयुष्यमान भारत प्रधानमंत्री जनआरोग्य योजना, महात्मा ज्योतीबा फुले जनआरोग्य योजना, वि.दे.शासकीय वैद्यकिय महाविद्यालय व रूग्णालय, विवेकांनद वै.प्रतिष्ठान व संशोधन केंद्र लातूर, लातूर शहर महानगरपालिका यांच्या संयुक्त विद्यमाने भाजपा युवा नेते तथा भारतीय जनता पार्टीचे शहर जिल्हाध्यक्ष अजित पाटील कव्हेकर यांच्या नेतृत्त्वाखाली महाराष्ट्र विद्यालय मैदानावर घेण्यात आलेल्या देवाभाऊ महाआरोग्य शिबीराच्या शुभारंभप्रसंगी बोलत होते.यावेळी या शिबीराला भाजपाचे शहर जिल्हाध्यक्ष अजित पाटील कव्हेकर, लातूर शहर महानगरपालिका निवडणूक प्रमुख डॉ.अर्चनाताई पाटील चाकूरकर, भाजपा शहर जिल्ह्याच्या महामंत्री रागिणीताई यादव, संजय गिर,भाजपाचे शहर जिल्हा सचिव निखील गायकवाड, डॉ.मेघराज चवंडा, डॉ.रमण सलगर, महिला मोर्चा शहर जिल्हाध्यक्षा शितलताई मालू, लातूर महानगरपालिकेचे माजी स्थायी समिती सभापती दीपक मठपती,विनय जाकते, माजी नगरसेवक बालाजी शेळके, माजी नगरसेवक गोरोबा गाडेकर, लातूर जिल्हा वकील मंडळाचे सचिव अ‍ॅड.गणेश गोजमगुंडे, शशिकांत हांडे, बाळू शिंदे, भाजपा पंचायतराज ग्राविकास शहरचे जिल्हाध्यक्ष राजेश पवार, सिध्देश्‍वर उकीरडे, महादेव पिटले, आफ्रीन खान, संतोष जाधव, लताताई घायाळ, शितलताई कुलकर्णी, प्रितम पुंडलिक, आकाश पिटले, शिवाजी कामले आदी मान्यवर उपस्थित होते.
यावेळी पुढे बोलताना माजी आ.शिवाजीराव पाटील कव्हेकर म्हणाले की, पंतप्रधान नरेंद्र मोदीजींच्या नेतृत्त्वाखाली देशाचा कारभार चांगल्या पध्दतीने सुरू आहे. मोदीजींच्या देदिप्यमान कार्यामुळे मोदीजींना 70 टक्के जगातील नागरिकांनी पसंती दर्शवली आहे. निस्पृह, चारित्र्यसंपन्‍न व आत्मविश्‍वासी देशाला प्रगतीपथावर नेण्याचे काम मोदीजींनी केलेले आहे. त्याच धर्तीवर राज्यातही राज्याची प्रगती साधण्याचे काम राज्याचे मुख्यमंत्री देवेंद्र फडणवीस, उपमुख्यमंत्री एकनाथ शिंदे व अजितदादा पवार हे करीत आहेत. लाडकी बहिण योजनेच्या माध्यमातून महिला भगिणींना आर्थिक आधार देण्याचे काम केलेले आहे. याबरोबरच मुलींना मोफत उच्चशिक्षण, लाईट मोफत, वृद्धांना पेंशन अशा योजना लागू करून देशाची प्रगती साधण्याचे काम केलेले आहे. त्यामुळे यापुढील कालावधीतही सर्वसामान्य नागरिकांना केंद्रबिंदू मानून राज्यासह लातूर जिल्ह्याचा विकास साधण्याचे काम आपण भाजपाच्या माध्यमातून करू असे आवाहनही माजी आ.शिवाजीराव पाटील कव्हेकर यांनी यावेळी बोलताना केले.
कार्यक्रमाच्या प्रारंभी संयोजन समितीच्यावतीने प्रमुख मान्यवरांचा शाल व गुलाबपुष्प देऊन सन्मान करण्यात आला. या देवाभाऊ महाआरोग्य शिबीरामध्ये 800 रूग्णांची आरोग्य तपासणी करण्यात आली. कार्यक्रमाचे प्रास्ताविक अ‍ॅड.गणेश गोजमगुंडे यांनी केले तर कार्यक्रमाचे सुत्रसंचालन भाजपा लातूर शहर कामगार आघाडी प्रमुख कमलाकर डोके यांनी केले तर आभार भाजपा शहर जिल्हा सरचिटणीस संजय गिर यांनी मानले. यावेळी या कार्यक्रमाला भारतीय जनता पार्टी, विविध मंडलाध्यक्ष, पदाधिकारी व कार्यकर्ते मोठ्या संख्येने उपस्थित होते.
समाजहिताला प्राधान्य देऊन असे कार्यक्रम कायम घेण्यात यावे –
अजित पाटील कव्हेकरदेवाभाऊ महाआरोग्य शिबीराच्या माध्यमातून अनेक रुग्णांची आरोग्य तपासणी करण्याचे काम केलेले आहे. असे सामाजिक उपक्रम जनतेच्या हितासाठी घेण्यात यावे. आता ज्या उमेदीने पक्ष पदाधिकार्‍यांनी सामाजिक कार्यक्रम घेण्याचे सुरू केले केलेले आहे. त्याच पध्दतीने असे सामाजिक कार्यक्रम घेऊन समाजाचे हित जपण्याचे काम आपण करावे. असे आवाहन भाजपाचे शहर जिल्हाध्यक्ष अजित पाटील कव्हेकर यांनी केले.सबका साथ सबका विकास करण्याचे काम आपण करावे -डॉ. अर्चनाताई पाटील चाकूरकर,देवाभाऊ महाआरोग्य शिबीराच्या माध्यमातून लातूरकरांचे आरोग्य चांगले ठेवण्याचे काम आपण करीत आहात. हे सर्वांसाठी आनंददायी बाब आहे.
या महाआरोग्य शिबीराचे आयोजन करणार्‍या टीमचे आभार व्यक्‍त करून आपण आता ज्या प्रमाणे चांगले शिबीर घेत आहात त्याच पध्दतीने पक्षाचे ब्रिद वाक्य सबका साथ सबका विकास हे लक्षात घेऊन आपल्या प्रभागातील नागरिकांची आरोग्याची काळजी घेण्यासाठी अशी शिबिरे कायम घेण्याचे काम आपण करावेत. व अशा उपक्रमाच्या माध्यमातून विकास साधण्याचे काम करावे असे आवाहनही त्यांनी महानगरपालिका निवडणूक प्रमुख डॉ.अर्चनाताई पाटील चाकूरकर यांनी केले..
