26.3 C
Pune
Saturday, November 29, 2025
Homeसामाजिकरक्तदान महोत्सवात 602 बॅग रक्त संकलन

रक्तदान महोत्सवात 602 बॅग रक्त संकलन

लातूर रक्तदान महोत्सवात विक्रमी कामगिरी
संविधान दिनानिमित्त तब्बल 602 बॅग रक्तसंकलन

लातूर
संविधान दिनाचे औचित्य साधत लातूर जिल्हा वकील मंडळ व शहरातील नामांकित अकरा संस्थांनी एकत्र येत ‘रक्तवीर लातूर गौरव लातूर’  या प्रेरणादायी ब्रीदवाक्याखाली भव्य लातूर रक्तदान महोत्सव 2025 आयोजित केला. या महोत्सवात तब्बल 602 रक्तबॅगचे अभूतपूर्व संकलन होत लातूरकरांनी ऐतिहासिक विक्रम रचला
.

कार्यक्रमाचे अध्यक्षपद जिल्हा वकील मंडळाचे अध्यक्ष ॲड वाय डी जगताप यांनी भूषवले. उद्घाटन प्रमुख जिल्हा व सत्र न्यायाधीश संजय भारूका साहेब यांच्या हस्ते झाले. प्रमुख पाहुण्या म्हणून जिल्हाधिकारी वर्षा ठाकूर घुगे या उपस्थित होत्या. तसेच जिल्हा न्यायमूर्ती आर. आर. भोसले,  एस. व्ही. त्रिपाठी, एस.व्ही.जाधव विधीसेवा प्राधिकरणाचे सचिव व्ही.एन.गिरवलकर एचडीएफसी बँकेचे दत्तात्रय महाबळ ,पत्रकार संघाचे सचिव दत्तात्रय परळकर,  नागनाथ गित्ते, विक्रमी रक्तदाता पारस चापसी आदी मान्यवरांनी उपस्थिती दर्शवली.

जिल्हा न्यायाधीश भारूका यांनी लातूर जिल्हा वकील मंडळ व साप्ताहिक पत्रकार संघाचे विशेष कौतुक करत सर्व आयोजक संस्थांचे अभिनंदन केले. अशा उपक्रमांची गरज समाजाला आहे असे मत जिल्हाधिकारी वर्षा ठाकूर घुगे यांनी व्यक्त केले.

महोत्सव स्थळी खासदार डॉ.शिवाजी काळगे, डॉ.अर्चना पाटील चाकूरकर, अजित पाटील कव्हेकर यांनी भेट देऊन उपक्रमाचे कौतुक केले.

या भव्य महोत्सवाच्या यशात लातूर जिल्हा वकील मंडळ,लातूर जिल्हा न्यायिक अधिकारी व विधी सेवा प्राधिकरण,लातूर जिल्हा साप्ताहिक पत्रकार संघ, लातूर,लातूर जिल्हा न्यायालयीन कर्मचारी संघ,लायन्स क्लब ऑफ सिटी, लातूर, विद्यार्थी कृती हक्क समिती,अखिल भारतीय अधिवक्ता परिषद, लातूर,लातूर ब्लड बँक अमूल दूध, द न्यू इंडिया इन्शुरन्स,एचडीएफसी बँक यांसह सर्व संस्थांच्या कार्यकर्त्यांचे मोलाचे योगदान लाभले.

कार्यक्रमाचे प्रास्ताविक ॲड गणेश गोजमगुंडे यांनी केले. सूत्रसंचालन ॲड इरफान शेख आणि ॲड निलेश मुचाटे यांनी केले तर आभार संजय राजुळे यांनी मानले.

लातूरकरांच्या या समाजहितैषी पुढाकाराने रक्तदान संस्कृतीला नवा आयाम मिळाला असून 602 बॅग संकलनाचा हा विक्रम लातूरच्या इतिहासात महत्वाची नोंद ठरला आहे.

LEAVE A REPLY

Please enter your comment!
Please enter your name here

- Advertisements :-

- Advertisment -spot_img

Most Popular

- Advertisements :-

- Advertisment -spot_img

Recent Comments

You cannot copy content of this page

[lead_popup_form_builder]