19.7 C
Pune
Monday, December 1, 2025
Homeराजकीयऔशात बिहार विजयाचा जल्लोष

औशात बिहार विजयाचा जल्लोष

औशात बिहार विजयाचा जल्लोष

औसा नगरपालिकेतही ‘कमळ’ फुलणारच – अर्चनाताई पाटील चाकूरकर विकासाच्या बळावर भाजपा औसा नगरपालिकेत सत्ता स्थापन करणार – आ अभिमन्यू पवार

औसा : बिहार विधानसभा निवडणुकीत एनडीएला मिळालेल्या भव्य विजयाचा जल्लोष औशात मोठ्या उत्साहात साजरा करण्यात आला. शहरातील भाजप कार्यकर्त्यांनी फटाके फोडून ढोल-ताशांच्या गजरात जल्लोष व्यक्त केला. या आनंद सोहळ्यात आमदार अभिमन्यू पवार आणि अर्चनाताई पाटील चाकूरकर यांच्या हस्ते पेढे वाटून विजयाचा आनंद कार्यकर्त्यांनी आणि नागरिकांनी सामायिक केला.

या प्रसंगी अर्चनाताई पाटील चाकूरकर यांनी आपल्या कार्यकर्त्यांमध्ये नवा आत्मविश्वास निर्माण केला. त्या म्हणाल्या, “बिहारच्या विजयाचा जल्लोष आपण साजरा करतो आहोत; मात्र हा उत्सव इथंच थांबणार नाही. औसा नगरपालिकेतही आपल्या विजयी भगव्या काफिल्याचा जल्लोष लवकरच सर्वत्र दिसेल. जनता विकासाला मत देते आणि औशाची जनता निश्चितच विकासाचा मार्ग निवडेल,” असा विश्वास त्यांनी व्यक्त केला.

यावेळी आमदार अभिमन्यू पवार यांनीही कार्यकर्त्यांना उत्साहात झेपावणारे प्रेरणादायी संबोधन केले. ते म्हणाले, “विकासाच्या बळावर भाजपा औसा नगरपालिकेत सत्ता स्थापन करणार आहे. बिहारमधील जंगलराजाला मोदीजी आणि नितीशकुमार यांनी पूर्णविराम दिला; त्याचप्रमाणे औशातील जनता येथेही असलेले जंगलराज संपवेल,” असे त्यांनी स्पष्ट शब्दांत सांगितले. पवार यांच्या या वक्तव्याने उपस्थितांमध्ये नवचैतन्य निर्माण झाले.बिहारच्या विजयानंतर औसा शहरात उत्साहाचे वातावरण पसरले असून, भाजप कार्यकर्त्यांमध्ये आगामी नगरपालिकेच्या निवडणुकीचा आत्मविश्वास ठळकपणे जाणवत आहे. शहरातील प्रमुख चौक, कार्यालये आणि कार्यकर्त्यांच्या भेटीगाठींमधून निवडणुकीची रंगत आणि विजयाची चाहूल स्पष्टपणे जाणवत आहे. जल्लोष, उमेद आणि विजयाच्या संकल्पाने औसा शहर सध्या राजकीय उर्जेने भारलेले दिसत आहे.यावेळी मोठ्या प्रमाणात पदाधिकारी व कार्यकर्ते उपस्थित होते…….

LEAVE A REPLY

Please enter your comment!
Please enter your name here

- Advertisements :-

- Advertisment -spot_img

Most Popular

- Advertisements :-

- Advertisment -spot_img

Recent Comments

You cannot copy content of this page

[lead_popup_form_builder]