स्वातंत्र्यसंग्रामाच्या पावन इतिहासात आणि हैद्राबाद मुक्तिसंग्रामाच्या तेजस्वी पानांवर अमिट ठसा उमटवणारा एक युगपुरुष काळाच्या पडद्याआड
निलंगा ( प्रतिनिधी)- देशाच्या स्वातंत्र्यासाठी आयुष्याची पराकाष्ठा केलेले, निजामशाही व रझाकारांच्या अत्याचारांविरुद्ध निर्भयपणे उभे राहिलेले, आर्य समाजाचे उपासक आणि राष्ट्रभक्तीचा सजीव दीपस्तंभ असलेले स्व. बळीरामजी भिवाजीराव पाटील यांचे वार्धक्याने निधन झाले. निधनसमयी ते १०२ वर्षाचे होते.
.स्वातंत्र्यपूर्व भारताच्या धगधगीत संघर्षाचा आणि स्वतंत्र भारतातील घडामोडींचा प्रत्यक्ष साक्षीदार असलेले बप्पा म्हणजे एका संपूर्ण युगाची परंपरा, मूल्यांची परंपरा, आणि त्यागाची परंपरा. त्यांच्या जाण्याने केवळ एक व्यक्ती नाही, तर इतिहासाचा एक जिवंत अध्याय आपण गमावला आहे.त्यांची राष्ट्रनिष्ठा, सामाजिक कार्यातली निष्ठा, नि:स्वार्थी वृत्ती आणि प्रत्येकाशी जुळून जाणारी साधेपणाची छटा… हे सर्व आजही प्रेरणेचा अखंड स्रोत ठरतील. अशा शब्दात आपल्या भावना आमदार संभाजीराव पाटील निलंगेकर ,आमदार अभिमन्यू पवार ,माजी खासदार डॉ. सुनील ब. गायकवाड आदींनी व्यक्त केल्या आहे
त्यांच्या पश्चात सुपुत्र श्री. अजित पाटील, श्री. संतोष पाटील, समस्त पाटील कुटुंबीय सोनाली हडोळे पाटील आणि सर्व नातेवाईक यांच्याउपस्थित होते..
