19.7 C
Pune
Monday, December 1, 2025
Homeसांस्कृतिक‘देवदूत’च्या मंचीय आविष्काराने रसिक मंत्रमुग्धत्र्यं

‘देवदूत’च्या मंचीय आविष्काराने रसिक मंत्रमुग्धत्र्यं

देवदूत’च्या मंचीय आविष्काराने रसिक मंत्रमुग्धत्र्यं. वि. सरदेशमुख यांच्या जयंतीनिमित्त नाट्यपरिषदेचा विशेष कार्यक्रम

सोलापूर – ‘देवदूत’चे सादरीकरण करताना रजनीश जोशीसोलापूर : जन्मभूमीची अनिवार ओढ लागलेल्या अलमुस्तफाला, समुद्रकिनाऱ्यावरील त्याच्या गावातील लोक जीवनाविषयी विचार व्यक्त करायला सांगतात आणि त्यातून आकाराला येते ‘देवदूत’ हे प्रज्ञानाट्य! प्रेम, विवाह, संतती, दान, कर्म, स्वरूपज्ञान, कायदे आणि मृत्यू याविषयीच्या विचारांचा अभिवाचनातून झालेला आविष्कार पाहताना रसिक सोलापूरकर मंत्रमुग्ध झाले.जगविख्यात साहित्यिक खलील जिब्रान यांच्या लेखणीतून उतरलेल्या ‘द प्रॉफेट’ या विचारमौक्तिकांचा अनुवाद प्रा. त्र्यं. वि. सरदेशमुख यांनी ‘देवदूत’ या नावाने केला, त्याचे अभिवाचन रजनीश जोशी यांनी केले.

निमित्त होते, प्रा. सरदेशमुख यांच्या १०६ व्या जयंतीचे. अ. भा. नाट्य परिषदेच्या वतीने पद्माकर देव सभागृहात आयोजिलेल्या या कार्यक्रमात पद्माकर कुलकर्णी यांनी प्रास्तविक केले. त्यानंतर माजी आमदार प्रकाश यलगुलवार यांच्या हस्ते श्री. जोशी आणि संगीतकार प्रशांत देशपांडे यांचा सत्कार करण्यात आला.अवघे ४८ वर्षांचे आयुष्य लाभलेले खलील जिब्रान जगविख्यात तत्वचिंतक, कवी, चित्रकार, लेखक होते. ‘द प्रॉफेट’ हे त्यांचे पुस्तक जगभरात गाजले. जगातील बहुतेक सगळ्या भाषेत त्याचे अनुवाद झाले. जिब्रानच्या शब्द आणि भावमाधुर्याचं प्रत्यंतर त्र्यं. वि. सरदेशमुखांच्या अनुवादातून येतं. देवाचा थांगपत्ता नसलेल्या या जगात, युगयुगांतरी, वेगवेगळ्या रूपात ‘देवदूत’ आपल्याला भेटी देतात. आपल्याशी संवाद-संगत करतात. समाजमनात असलेले संदेह दूर करण्याचं काम ते करतात. मानवी भावभावना आणि वर्तनाचे अर्थ समग्रतेने लावणाऱ्या या अभिजात कलाकृतीचे सादरीकरण रजनीश जोशी यांनी समर्थपणे केले. मंचसज्जा रेवती जोशी यांनी केली होती.

या प्रसंगी साहित्यिक प्रा. सुहास पुजारी, सुलभा पिशवीकर, पुष्पा आगरकर, जोतिबा काटे, शरदकुमार एकबोटे, सुनील गुरव, हेमकिरण पत्की, नितीन वैद्य, नसीमा पठाण, रेवती जोशी, सीमंतीनी चाफळकर, मनीषा जोशी, संतोष पवार, अच्युत काटीकर यांच्यासह सोलापूरातील जाणकार रसिक उपस्थित होते.०००

LEAVE A REPLY

Please enter your comment!
Please enter your name here

- Advertisements :-

- Advertisment -spot_img

Most Popular

- Advertisements :-

- Advertisment -spot_img

Recent Comments

You cannot copy content of this page

[lead_popup_form_builder]